Seneca, De Vita Beata (XML Header) [word count] [lemma count] [Sen. Vit. Beat.]. | ||
<<Sen. Vit. Beat. 7.16.3 | Sen. Vit. Beat. 7.17.3 () | >>Sen. Vit. Beat. 7.19.1 |
7.17.2 Quare cultius rus
tibi est quam naturalis usus desiderat ? Cur non
ad praescriptum tuum cenas ? Cur tibi nitidior
supellex est ? Cur apud te vinum aetate tua vetustius
bibitur ? Cur aviarium [Note] disponitur ? Cur arbores
nihil praeter umbram daturae conseruntur ? Quare
uxor tua locupletis domus censum auribus gerit ?
Quare paedagogium pretiosa veste succingitur ?
Quare ars est apud te ministrare nec temere et ut
libet conlocatur argentum sed perite servitur [Note] et
est aliquis scindendi obsonii magister ? " Adice , si
vis : " Cur trans mare possides ? Cur plura quam
nosti ? Turpiter [Note] aut tam neglegens es , ut non
noveris pauculos servos , aut tam luxuriosus , ut plures
habeas quam quorum notitiae memoria sufficiat ! "
7.17.3 Adiuvabo postmodo convicia et plura mihi quam
putas obiciam , nunc hoc respondeo tibi : " Non
sum sapiens et , ut malivolentiam tuam pascam , nec
ero . Exige itaque a me , non ut optimis par sim ,
-- -- Non perveni ad sanitatem , ne perveniam
quidem ; delenimenta magis quam remedia podagrae
meae compono , contentus , si rarius accedit et si
minus verminatur ; vestris quidem pedibus comparatus , debilis [Note] cursor sum ." Haec non pro me
loquor —ego enim in alto vitiorum omnium sum —,
sed pro illo , cui aliquid acti est .
ch. 187.18.1 "
Seneca, De Vita Beata (XML Header) [word count] [lemma count] [Sen. Vit. Beat.]. | ||
<<Sen. Vit. Beat. 7.16.3 | Sen. Vit. Beat. 7.17.3 () | >>Sen. Vit. Beat. 7.19.1 |